New Year Message from PWP

 اسلام آباد ۔۔۔۔۔۔۔ پاسبان وطن پاکستان کے چیئرمین شیخ مختار احمد ۔مرکزی صدر و سابق وزیر سیاحت و ٹرانسپورٹ محمد طاہر کھوکھر ۔ نائب صدر محترمہ نورین نور اور جنرل سیکرٹری امجد محمود بھٹی نے نئے سال کی آمد کے موقع پر اپنے پیغام میں کہا ہے کہ نیا سال ریاست کے عوام کے لیے نئی امیدنئے خواب اور ایک نئی سیاسی سمت کے ساتھ طلوع ہو رہا ہے تاہم اب وقت آ گیا ہے کہ عوام ماضی کی ان غلطیوں کو دہرانا بند کریں جنہوں نے قوم کو بار بار بحرانوں میں دھکیلا۔انہوں نے عوام کو نئے سال کی مبارکباد دیتے ہوئے کہا کہ پاکستان اور کشمیر گزشتہ کئی دہائیوں سے مورثی اور خاندانی سیاست کی گرفت میں ہیں جہاں اقتدار چند مخصوص خاندانوں کے گرد گھومتا رہتا ہے عملاً پاکستان اور کشمیر میں ایک ایسا دو جماعتی نظام نافذ ہے جو نسل در نسل اقتدار پر قابض رہ کر عوام کے وسائل حقوق اور مستقبل کا استحصال کر رہا ہے جو نسل در نسل اقتدار پر قابض رہ کر عوام کا خون چوس رہا ہے یہی وجہ ہے کہ عام آدمی آج بھی بنیادی سہولیات زندگی تعلیم صحت روزگار اور تحفظ سے محروم ہے۔ طاہر کھوکھر نے کہا کہ موجودہ حکمران طبقہ عوام سے کٹ چکا ہے اور اقتدار کے نشے میں اس حد تک مبتلا ہو چکا ہے کہ انہیں عوام کی جان و مال کی کوئی پروا نہیں رہی آج عام شہری کے لیے دو وقت کی روٹی کا حصول مشکل ہو چکا ہے مہنگائی نے عوام کی کمر توڑ دی ہے بے روزگاری میں مسلسل اضافہ ہو رہا ہے اور نوجوان مایوسی کا شکار ہیں یہ تمام حالات اس بات کا ثبوت ہیں کہ موجودہ سیاسی نظام عوام کو ریلیف دینے میں مکمل طور پر ناکام ہو چکا ہے۔پاسبان وطن پاکستان کے مرکزی صدر نے کہا کہ نئی نسل اور ریاست کے مستقبل کو محفوظ بنانے کے لیے ضروری ہے کہ مورثی خاندانی سیاست کو مکمل طور پر مسترد کیا جائے جب تک سیاست کو چند خاندانوں کی جاگیر سمجھنے کا تصور ختم نہیں ہوگا اس وقت تک نہ تو حقیقی جمہوریت قائم ہو سکتی ہے اور نہ ہی عوام کو انصاف اور خوشحالی مل سکتی ہے۔انہوں نے کہا کہ پاسبان وطن پاکستان نے عوام کو ایک نئی سیاسی جماعت نئی سوچ اور نئی قیادت فراہم کی ہے جس کا مقصد صرف اقتدار کا حصول نہیں بلکہ نظام کی اصلاح ہے اس جماعت کے پلیٹ فارم سے قابل پڑھے لکھے باصلاحیت اور دیانتدار نوجوانوں کو آگے آنے کا موقع دیا جا رہا ہے تاکہ وہ ملکی و ریاستی سیاست میں مثبت کردار ادا کر سکیں کشمیر اور پاکستان کو آج ایسے نوجوانوں کی اشد ضرورت ہے جو ذاتی مفادات برادری ازم اور خاندانی وابستگیوں سے بالاتر ہو کر صرف عوام اور ریاست کی خدمت کو اپنا نصب العین بنائیں نیا سال عوام کے لیے ایک نئے عہد کا آغاز ہونا چاہیے جس میں عوام اپنے ووٹ کی طاقت کو پہچانیں اور سوچ سمجھ کر فیصلہ کریں ریاست اور ملک کو بچانے کے لیے دو جماعتی خاندانی اور مورثی سیاسی جمود کو توڑنا ناگزیر ہو چکا ہے کیونکہ یہی جمود ملک کی ترقی کی راہ میں سب سے بڑی رکاوٹ ہے جب تک چند مخصوص خاندان کی اجارہ داری ختم نہیں ہوگی اس وقت تک حقیقی جمہوریت اور عوامی خوشحالی کا خواب شرمند تعبیر نہیں ہو سکتا۔