سابق وزیر، ایم ایل اے، طاہرکھوکھر نے حلقہ ایل اے۔34(جموں۔1)سے کاغذات نامزدگی جمع کروادیئے

کراچی:سابق وزیر سیاحت و ٹرانسپورٹ، پی ٹی آئی آزادکشمیر کے مرکزی رہنما، محمد طاہرکھوکھر نے حلقہ ایل اے۔34(جموں۔1) سے کاغذات نامزدگی جمع کروادیئے۔اس موقع پر کراچی سے ان کے قریبی ساتھی بھی موجود تھے۔ بعد ازاں میڈیا سے گفتگو کرتے ہوئے طاہر کھوکھر نے کہا کہ پی ٹی آئی ٹکٹ میرٹ پر ان کا حق تھا جو اقرباء پروری اور پیسے کی نذر ہو گیا۔ تاہم وہ مہاجرین جموں کراچی، لاہور، جھنگ، سرگودھا، خوشاب کے پرزور اصرار پر انتخابات میں حصہ لے رہے ہیں ٹکٹ ملے نہ ملے وہ عوام کے اعتماد کو ٹھیس نہیں پہنچائیں گے 25 جولائی کو پیراشوٹرز، ہائی جیکرز اور کرپٹ عناصرکو جموں۔1 کے غیور عوام خود منہ توڑ جواب دیں گے۔