The Pearl of AJK Beauraucracy

سیدشاہد محی الدین قادری آزاد جموں و کشمیر کے سینئر اور تجربہ کار سیکرٹری حکومت ہیں ہیں۔ اپنی ایمانداری، اچھی انتظامی صلاحیتوں اور مثبت رویے کے لیے جانے جاتے ہیں اور کبھی بھی سیاسی دباؤ کے تحت کوئی فیصلہ نہیں کرتے بلکہ میرٹ اور ایک قومی سوچ کے تحت فیصلے کرتے ہیں اوروہ حکومت کے لیے ایک قیمتی اثاثہ ہیں۔موصوف کی بے پناہ صلاحیتوں کے باوجود بدقسمتی سے گزشتہ دس سالوں سے حکومت نے انہیں مسلسل نظراندازکررکھا ہے اور غیر اہم پوسٹنگ کی جارہی ہے۔آزادکشمیر کی نئی حکومت اگر واقعی اصلاحات چاہتی ہے توشاید محی الدین صاحب جیسے آفیسرز کی قدر کرنا ہوگی اور انہیں پالیسی سازی اور اصلاحاتی عمل کاحصہ بناناہوگا۔

سید شاہد محی الدین قادری وہ واحد آفیسر ہیں جن کی ایمانداری، دیانتداری ، قومی سوچ اورغیرجانبدارانہ اپروچ کی قسم کھائی جاسکتی ہے۔خصوصا سول سیکرٹریٹ جہاں میں اپنی زندگی کے چھبیس سال سے زائد عرصہ گزار،اس طویل عرصہ میں صرف شاہد محی الدین قادری ہی وہ واحد شخصیت ہیں جن کی ایمانداری اور دیانتداری کی میں قسم کھا سکتا ہوں۔ میرے اولین استاد ہیں۔یہ اور بات ہے کہ گزشتہ 12 سال سے میں ان سے ملا تک نہیں کیونکہ ان کی ڈانٹ ڈپٹ اور احترام کارشتہ دو ایسی متضاد حقیقتیں تھیں جو مجھے ان سے دور کر گئیں۔

مجھے امید ہے کہ نئی حکومت خصوصا وزیراعظم فیصل ممتاز راٹئھور اور دیگر پالیسی ساز شاہد صاحب کی صلاحیتیوں کا اعتراف کرتے ہیں انہیں اہم پوسٹنگ دیں گے جو حکومت کے اصلاحاتی ایجنڈا اگر کوئی ہو تو اسے پایہ تکمیل تک پہنچانے کیلئے اہم اور فیصلہ کن کردار ادا کریں